Хавьер Тебаснинг фикрича, Ла Лига ҳеч кимнинг ёрдамисиз ирқчиликка қарши курашмоқда.
Ла Лига раҳбарининг сўзларига кўра, Испания прокуратураси давом этаётган воқеаларда ирқчилик фактини тан олмайди, Испания Қироллик футбол федерацияси эса кичик пул жарималари билан чекланади.
"Кўп ҳолларда биз ҳамма нарсани ёлғиз қилдик. Бизга ҳеч ким ёрдам бермади - на Винисиус, на "Реал" ва на бошқалар. Мутлақо ёлғиз курашдик.
Биз ирқчиликка қарши кампанияни давом эттирамиз. Биз ушбу муаммони ҳақиқатан ҳам ҳал қилиш учун етарли ваколатларга эга бўлишни хоҳлаймиз. Агар прокуратура ҳақоратларни спорт рақобати натижаси деб ҳисоблаб, ишларни ёпиб қўйса, буни қилиш биз учун жуда қийин", — деди Тебас.
