Himoyachi Jyul Kunde yozgi transferlar vaqtida "Barselona"ni tark etmoqchi. Mish-mishlarga ko‘ra, 24 yoshli fransiyalik futbolchida Angliyada o‘ynash uchun bir nechta variant bor.

Ispaniyaning Sport nashri xabariga ko‘ra, "Barselona" Kunde uchun 75 million yevrodan kam bo‘lgan takliflar ko‘rib chiqilmasligini ma’lum qilgan. Bu moliyaviy qiyinchiliklarni boshdan kechirayotgan kataloniyaliklar tomonidan belgilangan narx.

Aytish joizki, transfermarkt portali Kundeni 60 million yevroga baholamoqda. Fransiyalik futbolchi "Barselona" safida 38 ta o‘yin o‘tkazib, bitta gol urgan.