"PSJ" himoyachisi Serxio Ramos Parij klubi bilan yangi shartnoma imzolashdan bosh tortdi, deb xabar beradi Marca.
Manbaga ko‘ra, klub prezidenti Nosir Al-Xelayfi va futbol maslahatchisi Luish Kampush futbolchiga maoshini ikki baravar kamaytirgan holda bir yillik shartnoma taklif qilgan.
Ispaniyalik yangi shartnomani rad etdi. U boshqa klublardan taklif kutmoqda. Futbolchiga "Sevilya" qiziqayotgani xabar qilingandi.
37 yoshli futbolchi joriy mavsum Liga 1da 31 ta o‘yinda maydonga tushib, 1 ta gol va 1 ta golli uzatmaga mualliflik qilgan.