"ПСЖ" ҳимоячиси Серхио Рамос Париж клуби билан янги шартнома имзолашдан бош тортди, деб хабар беради Marca.
Манбага кўра, клуб президенти Носир Ал-Хелайфи ва футбол маслаҳатчиси Луиш Кампуш футболчига маошини икки баравар камайтирган ҳолда бир йиллик шартнома таклиф қилган.
Испаниялик янги шартномани рад этди. У бошқа клублардан таклиф кутмоқда. Футболчига "Севилья" қизиқаётгани хабар қилинганди.
37 ёшли футболчи жорий мавсум Лига 1да 31 та ўйинда майдонга тушиб, 1 та гол ва 1 та голли узатмага муаллифлик қилган.
