Pep Gvardiola futboldagi irqchilik haqida gapirdi.

“Valensiya” – “Real” uchrashuvida mezbonlarning muxlislari madridliklar vingeri Vinisiusni “maymun” va “ahmoq” deb haqorat qilishdi. Shu sababdan o‘yin sakkiz daqiqaga to‘xtatildi.

"La Liga Premyer-ligadan o‘rganishi kerak. Bu yerda irqchilikka qarshi kurashda hamma narsa qat’iy. Nima qilish kerakligini hamma biladi. Ammo umuman olganda, bu keng tarqalgan muammo - biz qo‘shnilarimizdan yaxshiroqmiz, men boshqa odamdan yaxshiroqman deb o‘ylash. U hamma joyda barcha avlodlar uchun.

Ota-bobolarimiz muhojirlardan kelib chiqqan, urushlar va diktatorlar tufayli o‘z yurtlarini tashlab ketishga majbur bo‘lgan.

Muammo shundaki, irqchilik hamma joyda bor. Faqat jinsi bo‘yicha emas, balki terining rangi bilan ham. Tilimiz boshqasidan, yurtimiz boshqasidan yaxshiroq, deb o‘ylaydi odamlar.

Biz xilma-xillikni aqlli odamlar sifatida qabul qilishimiz kerak, ammo hozir biz bundan yiroqmiz.

Umid qilamanki, biz Ispaniyada yaxshiroq o‘ynay olamiz, lekin men juda optimist emasman.

Ko‘p qora tanlilar himoya qilmasliklari kerak bo‘lgan narsalarni himoya qilishga harakat qilmoqdalar. Umid qilamanki, adolat g‘alaba qozonadi”, - dedi “Manchester Siti” bosh murabbiyi Pep Gvardiola.