"Real" bosh murabbiyi Karlo Anchelotti "Tottenxem" hujumchisi Xarri Keyn yozgi transferlar oynasida sotib olish uchun juda mos ekanligini aytdi, deb xabar beradi AS.

Manbaning xabariga ko‘ra, "Real Madrid" rahbariyati hali ham yuqori baholi hujumchini yozda qo‘lga kiritish borasida bir qarorga kelmagan. Agar klub shunga qaramay mablag‘ ajratsa, Anchelotti 29 yoshli angliyalikni Madrid uchun eng yaxshi nomzod deb hisoblaydi.

Keyn joriy mavsumda barcha turnirlarda 48 ta o‘yinda maydonga tushib, 30 ta gol urdi va 5 ta golli uzatmani amalga oshirdi. Transfermarkt uni 90 million yevroga baholamoqda.

Keynning "Tottenxem" bilan shartnomasi 2024 yilning yozida yakuniga yetadi.