"Реал" бош мураббийи Карло Анчелотти "Тоттенхэм" ҳужумчиси Харри Кейн ёзги трансферлар ойнасида сотиб олиш учун жуда мос эканлигини айтди, деб хабар беради AS.
Манбанинг хабарига кўра, "Реал Мадрид" раҳбарияти ҳали ҳам юқори баҳоли ҳужумчини ёзда қўлга киритиш борасида бир қарорга келмаган. Агар клуб шунга қарамай маблағ ажратса, Анчелотти 29 ёшли англияликни Мадрид учун энг яхши номзод деб ҳисоблайди.
Кейн жорий мавсумда барча турнирларда 48 та ўйинда майдонга тушиб, 30 та гол урди ва 5 та голли узатмани амалга оширди. Transfermarkt уни 90 миллион еврога баҳоламоқда.
Кейннинг "Тоттенхэм" билан шартномаси 2024 йилнинг ёзида якунига етади.
