“Everton” himoyachisi Yerri Mina ijtimoiy tarmoq orqali mavsum yakunida jamoani tark etishini ma’lum qildi.
“Bu yakshanba kuni men “Everton” uchun so‘nggi o‘yinimni o‘tkazaman. Xayrlashish vaqti keldi... Qo‘llab-quvvatlaganingiz va sevgingiz uchun rahmat aytmoqchiman, bu formani kiyib, "Everton" sharafini himoya qilish men uchun sharaf edi", - deydi Mina.
Himoyachi "Everton"da 2018 yildan beri to‘p suradi. Transfermarkt portali 28 yoshli kolumbiyalik futbolchining narxini 12 million yevroga baholamoqda.
Mina "Everton" tarkibida 98 ta o‘yinda maydonga tushib, 9 ta gol urdi va 1 ta golli uzatmani amalga oshirdi.