“Эвертон” ҳимоячиси Йерри Мина ижтимоий тармоқ орқали мавсум якунида жамоани тарк этишини маълум қилди.

“Бу якшанба куни мен “Эвертон” учун сўнгги ўйинимни ўтказаман. Хайрлашиш вақти келди... Қўллаб-қувватлаганингиз ва севгингиз учун раҳмат айтмоқчиман, бу формани кийиб, "Эвертон" шарафини ҳимоя қилиш мен учун шараф эди", - дейди Мина.

Ҳимоячи "Эвертон"да 2018 йилдан бери тўп суради. Transfermarkt портали 28 ёшли колумбиялик футболчининг нархини 12 миллион еврога баҳоламоқда.

Мина "Эвертон" таркибида 98 та ўйинда майдонга тушиб, 9 та гол урди ва 1 та голли узатмани амалга оширди.