"Napoli"ning gruziyalik hujumchisi Xvicha Kvarasxeliya jamoa bilan shartnomasini uzaytirishga yaqin turibdi, deya xabar beradi insayder Nikolo Skira.

Manbaga ko‘ra, vinger shartnomani 2028 yilgacha uzaytiradi. Maoshi - mavsumiga 3 million yevro.

Hujumchi yozda Batumining "Dinamo"sidan 10 million yevrodan sal ko‘proq evaziga sotib olingan va "Napoli" bilan 2027 yilning iyunigacha shartnoma imzolagan edi.

Joriy mavsumda 22 yoshli Kvarasxeliya neapolliklar safida 40 ta o‘yinda maydonga tushib, 14 ta gol urdi va 17 ta golli uzatmani amalga oshirdi.