2022/23 yilgi mavsum yakunida APLni tark etadigan barcha jamoalar aniqlandi.

"Everton" o‘z maydonida "Bornmut"ni mag‘lub etishga muvaffaq bo‘ldi va ligaga tushib ketishdan qutuldi - 1:0. Yagona golga Abdulaye Dukure mualliflik qildi.

Shon Daych jamoasi 36 ochko jamg‘arib, 17-o‘rinni egalladi. "Bornmut" mavsumni 39 ochko bilan 15-o‘rinda yakunladi.

Turning yana bir o‘yinida "Lester" o‘z maydonida "Vest Xem"ni mag‘lub etishga muvaffaq bo‘ldi - 2:1. Mezbonlar safida gollarga Xarvi Barns va Vout Fas mualliflik qilishdi. “Vest Xem” safida Pablo Fornals gol urdi.

“Lester” uch ochkoga qaramay, 34 ochko bilan turnir jadvalida 18-o‘rinda qoldi va APLni tark etdi. “Vest Xem” esa 40 ochko bilan 14-o‘rinni egalladi.

“Lids” yana bir quyi ligaga tushib ketgan jamoa bo‘ldi. Sem Ellardays shogirdlari o‘z maydonida “Tottenxem”ga imkoniyatni boy berishdi – 1:4.

"Lids" 31 ochko bilan 19-o‘rinni egalladi. 60 ochko jamg‘argan “Tottenxem” sakkizinchi o‘rinda qoldi va keyingi mavsumda yevrokuboklarda ishtirok eta olmadi.