2022/23 йилги мавсум якунида АПЛни тарк этадиган барча жамоалар аниқланди.

"Эвертон" ўз майдонида "Борнмут"ни мағлуб этишга муваффақ бўлди ва лигага тушиб кетишдан қутулди - 1:0. Ягона голга Абдулае Дукуре муаллифлик қилди.

Шон Дайч жамоаси 36 очко жамғариб, 17-ўринни эгаллади. "Борнмут" мавсумни 39 очко билан 15-ўринда якунлади.

Турнинг яна бир ўйинида "Лестер" ўз майдонида "Вест Хэм"ни мағлуб этишга муваффақ бўлди - 2:1. Мезбонлар сафида голларга Харви Барнс ва Воут Фас муаллифлик қилишди. “Вест Хэм” сафида Пабло Форналс гол урди.

“Лестер” уч очкога қарамай, 34 очко билан турнир жадвалида 18-ўринда қолди ва АПЛни тарк этди. “Вест Хэм” эса 40 очко билан 14-ўринни эгаллади.

“Лидс” яна бир қуйи лигага тушиб кетган жамоа бўлди. Сем Эллардайс шогирдлари ўз майдонида “Тоттенхэм”га имкониятни бой беришди – 1:4.

"Лидс" 31 очко билан 19-ўринни эгаллади. 60 очко жамғарган “Тоттенхэм” саккизинчи ўринда қолди ва кейинги мавсумда еврокубокларда иштирок эта олмади.