Ispaniyada yevrokuboklar ishtirokchilari aniqlandi.
Chempionlar ligasining 2023/24 yilgi mavsumida "Barselona", "Real", "Atletiko" va "Real Sosyedad" ishtirok etadi. Qayd etish lozim basklar klubi so‘nggi bor 2013/14 yilda Yevropaning eng nufuzli klublar turnirida ishtirok etgandi. “Vilyarreal” va “Betis” Yevropa ligasiga yo‘l oldi.
Konferensiyalar ligasi yo‘llanmasi uchun kurash davom etmoqda - bunga "Osasuna", "Atletik", "Jirona" va "Sevilya" da’vogarlik qilmoqda.
Eslatib o‘tamiz, “Sevilya” Yevropa ligasida g‘olib chiqsa, Chempionlar ligasi a’zosiga aylanadi. Final 31 may kuni "Roma"ga qarshi o‘tkaziladi.
