Испанияда еврокубоклар иштирокчилари аниқланди.
Чемпионлар лигасининг 2023/24 йилги мавсумида "Барселона", "Реал", "Атлетико" ва "Реал Сосьедад" иштирок этади. Қайд этиш лозим басклар клуби сўнгги бор 2013/14 йилда Европанинг энг нуфузли клублар турнирида иштирок этганди. “Вильярреал” ва “Бетис” Европа лигасига йўл олди.
Конференциялар лигаси йўлланмаси учун кураш давом этмоқда - бунга "Осасуна", "Атлетик", "Жирона" ва "Севилья" даъвогарлик қилмоқда.
Эслатиб ўтамиз, “Севилья” Европа лигасида ғолиб чиқса, Чемпионлар лигаси аъзосига айланади. Финал 31 май куни "Рома"га қарши ўтказилади.
