“Yuventus” bosh murabbiyi Massimiliano Allegri hali ham jamoasining YECHLsiz qolganidan o‘ziga kela olmayapti.
Eslatib o‘tamiz, “keksa sinyora” yaqinda yarim finalda “Sevilya”ga imkoniyatni boy berib qo‘ygandi, andalusiyaliklar yaqin orada turnirning hal qiluvchi o‘yinida “Roma” bilan o‘ynaydi.
“Afsuski, biz uchun mavsum “Sevilya”ga qarshi o‘yinda yakunlandi. Bu o‘yindan keyin ruhiy quvvatimiz tugab qoldi.
"Milan"ga qarshi o‘yinda bizda konsentrasiya yetishmadi, shu sabab Jiru g‘alaba golini kiritdi. Biz bu to‘pdan keyin muvozanatni tiklashimiz mumkin edi, ammo..." - dedi Allegri matbuot anjumanida.
Eslatib o‘tamiz, avvalroq Massimiliano mavsum yakunida iste’foga chiqarilishi mumkinligi haqida xabarlar tarqalgan edi.
