“Ювентус” бош мураббийи Массимилиано Аллегри ҳали ҳам жамоасининг ЕЧЛсиз қолганидан ўзига кела олмаяпти.
Эслатиб ўтамиз, “кекса синёра” яқинда ярим финалда “Севилья”га имкониятни бой бериб қўйганди, андалусияликлар яқин орада турнирнинг ҳал қилувчи ўйинида “Рома” билан ўйнайди.
“Афсуски, биз учун мавсум “Севилья”га қарши ўйинда якунланди. Бу ўйиндан кейин руҳий қувватимиз тугаб қолди.
"Милан"га қарши ўйинда бизда консентрация етишмади, шу сабаб Жиру ғалаба голини киритди. Биз бу тўпдан кейин мувозанатни тиклашимиз мумкин эди, аммо..." - деди Аллегри матбуот анжуманида.
Эслатиб ўтамиз, аввалроқ Массимилиано мавсум якунида истеъфога чиқарилиши мумкинлиги ҳақида хабарлар тарқалган эди.
