"Bavariya" darvozaboni Yann Zommer kelayotgan mavsumda Tomas Tuxel jamoasini tark etish haqida hali o‘ylamasligiga ishontirdi. Eslatib o‘tamiz, 34 yoshli shveysariyalik yanvar oyida Myonxengladbaxning "Borussiya"sidan "qizil mashina" lageriga ko‘chib o‘tgandi.
"Bavariya" bilan hali ikki yillik shartnomam bor, men bu yerda kam vaqt o‘tkazdim. Hozir ketish haqida o‘ylamayman. Men asosiy tarkibda o‘ynashni xohlayman, lekin hozir o‘zimni charchagan his qilyapman. Ko‘ramiz, kelajakda nima bo‘ladi”, — dedi Zommer Kicker nashriga bergan intervyusida.
Avvalroq, Zommerga "Manchester Yunayted" qiziqish bildirayotgani xabar qilingandi.
