Dortmundning "Borussiya" klubi himoyachisi Rafael Gerreyru yozgi transfer oynasida "Bavariya"ga o‘tishi mumkin, deya xabar beradi jurnalist Florian Plettenberg.
Manba bergan xabarga ko‘ra, himoyachi anchadan beri "Bavariya" klubi manfaatlari doirasida bo‘lib kelgan. Tomonlar allaqachon muzokaralar olib borishgan. Qayd etilishicha, futbolchi baribir yozda "asalarilar"ni tark etadi.
Portugaliyalikning dortmundliklar bilan shartnomasi 1 iyulga qadar tuzilgan. U 2016 yilning yozidan beri nemis jamoasida to‘p surmoqda.
Joriy mavsumda u "Borussiya Dortmund" safida barcha musobaqalarda 36 ta o‘yinda maydonga tushib, 6 ta gol urdi va 13 ta golli uzatmani amalga oshirdi.