Norvegiyada 10 nafar grossmeyster ishtirokidagi nufuzli «Norway Chess» turniri boshlandi. Shaxmatchilar kecha blis yo‘nalishida o‘z omadlarini sinab ko‘rishdi.

Unda Nodirbek Abdusattorov birinchi o‘rini qo‘lga kiritdi. U 9 imkoniyatdan 6 ochko jamg‘arib, g‘oliblikka erishdi. Abdusattorov kechagi bahslarni u qadar muvaffaqiyatli boshlamagandi. U 2 va 4-o‘yinlarda yutqazib qo‘yganidan keyin jadvalda quyi pog‘onalarni egallab turgandi. Ammo shundan keyin qolgan 5ta o‘yinda 4,5 ochko jamg‘arib, barchadan o‘zib ketdi.

30 may, ya’ni bugundan musobaqada klassik bahslar boshlanadi va musobaqa bir necha kun davom etadi!

Hamyurtimiz blis turnir davomida quyidagi natijalarni qayd etdi:

(birinchi sportchi oq, ikkinchi sportchi qora donalarda)

1-tur: Shahriyor Mamedyarov (Ozarbayjon) - Nodirbek Abdusattorov -  0,5:0,5

2-tur: Xikaru Nakamura (AQSH) - Nodirbek Abdusattorov - 1:0

3-tur: Nodirbek Abdusattorov -  Fabiano Karuana (AQSH) 1:0

4-tur: Magnus Karlsen (Norvegiya) - Nodirbek Abdusattorov 1:0

5-tur: Nodirbek Abdusattorov - Aryan Tari (Norvegiya) 1:0

6-tur: Uesli So (AQSH) - Nodirbek Abdusattorov 0:1

7-tur: Nodirbek Abdusattorov - Alirizo Firudja (Fransiya) 0,5:0,5

8-tur: Anish Giri (Niderlandiya) - Nodirbek Abdusattorov 0:1

9-tur: Nodirbek Abdusattorov - Gukesh (Hindiston) 1:0.