Норвегияда 10 нафар гроссмейстер иштирокидаги нуфузли «Norway Chess» турнири бошланди. Шахматчилар кеча блиц йўналишида ўз омадларини синаб кўришди.
Унда Нодирбек Абдусатторов биринчи ўрини қўлга киритди. У 9 имкониятдан 6 очко жамғариб, ғолибликка эришди. Абдусатторов кечаги баҳсларни у қадар муваффақиятли бошламаганди. У 2 ва 4-ўйинларда ютқазиб қўйганидан кейин жадвалда қуйи поғоналарни эгаллаб турганди. Аммо шундан кейин қолган 5та ўйинда 4,5 очко жамғариб, барчадан ўзиб кетди.
30 май, яъни бугундан мусобақада классик баҳслар бошланади ва мусобақа бир неча кун давом этади!
Ҳамюртимиз блиц турнир давомида қуйидаги натижаларни қайд этди:
(биринчи спортчи оқ, иккинчи спортчи қора доналарда)
1-тур: Шаҳриёр Мамедьяров (Озарбайжон) - Нодирбек Абдусатторов - 0,5:0,5
2-тур: Хикару Накамура (АҚШ) - Нодирбек Абдусатторов - 1:0
3-тур: Нодирбек Абдусатторов - Фабиано Каруана (АҚШ) 1:0
4-тур: Магнус Карлсен (Норвегия) - Нодирбек Абдусатторов 1:0
5-тур: Нодирбек Абдусатторов - Арян Тари (Норвегия) 1:0
6-тур: Уэсли Со (АҚШ) - Нодирбек Абдусатторов 0:1
7-тур: Нодирбек Абдусатторов - Алиризо Фируджа (Франция) 0,5:0,5
8-тур: Аниш Гири (Нидерландия) - Нодирбек Абдусатторов 0:1
9-тур: Нодирбек Абдусатторов - Гукеш (Ҳиндистон) 1:0.
