"Barcelona" prezidenti Joan Laporta "Milan" hujumchisi Rafael Leauni o‘z jamoasiga qo‘shilishini istaydi. Sport xabariga ko‘ra, "ko‘k-anorranglilar" rahbariga portugaliyalik vinger juda yoqadi.

Qayd etilishicha, futbolchi "Milan" bilan shartnomasini uzaytirgach, Leauning "Barselona"ga o‘tish ehtimoli minimal darajaga tushgan. Hozirda futbolchining tovon puli 170 million yevro bo‘lib, "Barselona" moliyaviy muammolar tufayli uni to‘lay olmaydi.

Manbaning ta’kidlashicha, "Barselona" yaqin kelajakda Leau nomzodiga qaytishni rejalashtirmoqda. Portugaliyalik futbolchi joriy mavsum A Seriyada 12 ta gol va 8 ta golli uzatmani amalga oshirdi.