"Барcелона" президенти Жоан Лапорта "Милан" ҳужумчиси Рафаэль Леауни ўз жамоасига қўшилишини истайди. Sport хабарига кўра, "кўк-анорранглилар" раҳбарига португалиялик вингер жуда ёқади.
Қайд этилишича, футболчи "Милан" билан шартномасини узайтиргач, Леаунинг "Барселона"га ўтиш эҳтимоли минимал даражага тушган. Ҳозирда футболчининг товон пули 170 миллион евро бўлиб, "Барселона" молиявий муаммолар туфайли уни тўлай олмайди.
Манбанинг таъкидлашича, "Барселона" яқин келажакда Леау номзодига қайтишни режалаштирмоқда. Португалиялик футболчи жорий мавсум А Серияда 12 та гол ва 8 та голли узатмани амалга оширди.
