Frankfurtning “Ayntraxt” klubi yarim himoyachi Erik Ebimbeni ijara shartnomasida sotib olish variantini rasman faollashtirdi. 22 yoshli yarim himoyachi doimiy ravishda Bundesliga klubida qoladi.
Ebimbe "PSJ" tarbiyalanuvchisi bo‘lib, Fransiya chempionatining so‘nggi mavsumida parijliklar tarkibida 10 ta o‘yin o‘tkazishga muvaffaq bo‘ldi. Futbolchi Frankfurtning “Ayntraxt” klubi bilan 2027 yilgacha mo‘ljallangan shartnoma imzoladi. "PSJ"ning ushbu transferdan qancha ishlab olgani hozircha noma’lum.
Joriy mavsumda Ebimbe Germaniya chempionatida 19 ta o‘yin o‘tkazib, 3 ta gol va bitta samarali uzatmani amalga oshirdi. Erik "Ayntraxt" uchun birinchi sovrinini shu hafta oxirida Germaniya kubogi finalida qo‘lga kiritishi mumkin.
