Франкфуртнинг “Айнтрахт” клуби ярим ҳимоячи Эрик Эбимбени ижара шартномасида сотиб олиш вариантини расман фаоллаштирди. 22 ёшли ярим ҳимоячи доимий равишда Бундеслига клубида қолади.
Эбимбе "ПСЖ" тарбияланувчиси бўлиб, Франция чемпионатининг сўнгги мавсумида парижликлар таркибида 10 та ўйин ўтказишга муваффақ бўлди. Футболчи Франкфуртнинг “Айнтрахт” клуби билан 2027 йилгача мўлжалланган шартнома имзолади. "ПСЖ"нинг ушбу трансфердан қанча ишлаб олгани ҳозирча номаълум.
Жорий мавсумда Эбимбе Германия чемпионатида 19 та ўйин ўтказиб, 3 та гол ва битта самарали узатмани амалга оширди. Эрик "Айнтрахт" учун биринчи совринини шу ҳафта охирида Германия кубоги финалида қўлга киритиши мумкин.
