Frankfurtning “Ayntraxt” klubi yarim himoyachisi Daichi Kamada kelasi hafta “Milan”ning yangi futbolchisiga aylanishi mumkin. Jurnalist Fabrisio Romanoning fikricha, agar hammasi rejadagidek ketsa, yaponiyalik kelasi hafta boshida “rossonerilar” lagerida tibbiy ko‘rikdan o‘tishi kerak.
Eslatib o‘tamiz, Daichi hali "Ayntraxt"dagi so‘nggi o‘yinini o‘tkazmagan. Frankfurt jamoasi shu dam olish kunlari Germaniya kubogi finalida “Leypsig”ga qarshi maydonga tushadi. Eslatib o‘tamiz, o‘tgan mavsumda Kamada "Ayntraxt" bilan Yevropa ligasida g‘olib chiqqan edi.
Daichining "Milan"ga o‘tishi tekinga amalga oshiriladi. 26 yoshli futbolchi joriy mavsum Bundesligada 9 ta gol urdi va 6 ta golli uzatmani amalga oshirdi.