Франкфуртнинг “Айнтрахт” клуби ярим ҳимоячиси Даичи Камада келаси ҳафта “Милан”нинг янги футболчисига айланиши мумкин. Журналист Фабрицио Романонинг фикрича, агар ҳаммаси режадагидек кетса, япониялик келаси ҳафта бошида “россонерилар” лагерида тиббий кўрикдан ўтиши керак.
Эслатиб ўтамиз, Даичи ҳали "Айнтрахт"даги сўнгги ўйинини ўтказмаган. Франкфурт жамоаси шу дам олиш кунлари Германия кубоги финалида “Лейпциг”га қарши майдонга тушади. Эслатиб ўтамиз, ўтган мавсумда Камада "Айнтрахт" билан Европа лигасида ғолиб чиққан эди.
Даичининг "Милан"га ўтиши текинга амалга оширилади. 26 ёшли футболчи жорий мавсум Бундеслигада 9 та гол урди ва 6 та голли узатмани амалга оширди.
