"Bavariya" "Vest Xem" yarim himoyachisi Deklan Raysni qo‘lga kiritish uchun hamma narsaga tayyor. Jurnalist Florian Plettenbergning yozishicha, Myunxen klubi ingliz futbolchisi uchun 100 million yevro to‘lab, o‘zining yangi transfer rekordini o‘rnatishga tayyor.
Qayd etilishicha, “Bavariya”ning faxriy prezidenti Uli Xyoness allaqachon transferga ruxsat bergan. Raysni sotib olish bosh murabbiy Tomas Tuxel uchun ustuvor vazifa bo‘lib, u Angliya Premyer-ligasida "Chelsi"ni boshqarganida Deklandan hayratda qolgan.
Raysda faoliyatini Londonning “Arsenal” jamoasida davom ettirish imkoniyati ham bor. Futbolchining "Vest Xem" bilan shartnomasi tugashiga bir yil qoldi.