Isroil yoshlar terma jamoasi bosh murabbiyi Ofir Xayma Jahon chempionatining nimchorak final bosqichi doirasida O‘zbekistonga qarshi bo‘ladigan o‘yin arafasida o‘z fikrlari bilan o‘rtoqlashdi.

"Ko‘pchilik O‘zbekistonni Isroil uchun qulay raqib deya hisoblamoqda. Ammo men bu jamoaning o‘yinlarini ko‘rib chiqib, shunga amin bo‘ldimki, O‘zbekiston haqiqatan ham yaxshi jamoa. Gap faqat ularning Osiyo chempioni ekanida emas. Ular biz duch kelgan raqiblardan farq qiladi. O‘zbekiston besh himoyachi bilan o‘ynaydi va biz bunga taktik jihatdan tayyor bo‘lishimiz kerak. O‘zbekiston taktik jihatdan kuchli jamoa. Shuning uchun bizga oson bo‘lmaydi.

Tarkibda qandaydir o‘zgarishlar qilsam kerak. Zaxiradagi o‘yinchilar ham o‘yinimizga ijobiy ta’sir ko‘rsatishi kerak. Asosiy tarkibda kim maydonga tushmasin, bunga munosib ekanini isbotlashi zarur", — dedi Isroil bosh murabbiyi.