Yoshlar o‘rtasidagi Jahon chempionati nimchorak finalida O‘zbekiston U-20 terma jamoasi 30 may kuni Isroilga qarshi bahs olib bordi.

Uchrashuvning birinchi bo‘limi teng kurashlar ostida kechdi. Biroq hisob ochilmadi. Ikkinchi bo‘limda ham jamoalar xavfli vaziyatlarni yaratdi. Hakam qo‘shib bergan daqiqalarning so‘ngida Isroil futbolchisi Anan Xalali jarima zarbasidan uzatib berilgan to‘pni darvozaga joyladi va jamoasiga g‘alaba keltirdi.

Shu tariqa, Ravshan Haydarov shogirdlari nimchorak finalda o‘z yurishini to‘xtatdi.

U-20 JCH, Nimchorak final
30 may, seshanba
O‘zbekiston U-20 — Isroil U-20 0:1
Gol: 0:1 — 90+7 Xalali
O‘zbekiston U-20: 12. Asrorbek Kenjayev, 3. Abduqodir Husanov, 4. Abubakir Ashurov, 6. Jahongir O‘rozov, 8. Behruzbek Asqarov (17. Nodirbek Abdurazzoqov, 68), 9. Shahzod Ne’matjonov (7. Po‘latxo‘ja Xoldorxonov, 59), 11. Sherzod Esanov, 13. Zafarmurod Abdirahmatov, 14. Abbos Fayzullayev, 15. Diyorbek Ortiqboyev, 18. Saidafzalxon Ahrorov (20. Mahmudjon Mahamadjonov, 68).
Isroil U-20: 1. Tomer Zarfati, 2. Ilay Feingold, 3. Or Israelov, 4. Stav Lemkin, 8. Ilai Madmun, 9. Dor Turgeman, 10. Ariyel Lugassi (11. Hamza Shibili, 46), 12. Roy Revivo, 14. Roy Navi, 15. Tay Abed, 17. Omer Senior.