"PSJ" va Argentina terma jamoasi yulduzi Lionel Messi Saudiya Arabistoni chempionatiga o‘tishga yaqin turibdi.
Bu haqda ijtimoiy tarmoqlarda insayder Rudi Galetti ma’lum qildi.
Manbaga ko‘ra, "Al-Hilol" 35 yoshli futbolchining yangi klubiga aylanadi. Saudiya klubi rahbariyati jahon chempioniga yiliga 500 million yevro to‘laydi.
Bundan tashqari, hujumchining agenti vazifasini bajarayotgan Lionelning otasi uchun bonus to‘lovlari ham ko‘zda tutilgan.
Messi Liga 1 mavsumi yakunlanganidan so‘ng “Al-Hilol”ga o‘tishi kutilmoqda.
Milliy chempionatning joriy mavsumida hujumchi 31 ta o‘yin o‘tkazib, 16 ta gol va 16 ta golli uzatmani amalga oshirgan.
