"ПСЖ" ва Аргентина терма жамоаси юлдузи Лионель Месси Саудия Арабистони чемпионатига ўтишга яқин турибди.
Бу ҳақда ижтимоий тармоқларда инсайдер Руди Галетти маълум қилди.
Манбага кўра, "Ал-Ҳилол" 35 ёшли футболчининг янги клубига айланади. Саудия клуби раҳбарияти жаҳон чемпионига йилига 500 миллион евро тўлайди.
Бундан ташқари, ҳужумчининг агенти вазифасини бажараётган Лионелнинг отаси учун бонус тўловлари ҳам кўзда тутилган.
Месси Лига 1 мавсуми якунланганидан сўнг “Ал-Ҳилол”га ўтиши кутилмоқда.
Миллий чемпионатнинг жорий мавсумида ҳужумчи 31 та ўйин ўтказиб, 16 та гол ва 16 та голли узатмани амалга оширган.
