Madridning “Real” klubi bosh murabbiyi Karlo Anchelotti faoliyatini “qirollik” klubida davom ettirishini ta’kidladi.
Marca nashri xabariga ko‘ra, italiyalik mutaxassis kelasi mavsum oxirigacha hisoblangan shartnomaga to‘liq amal qilish niyatida.
Avvalroq matbuotda Braziliya terma jamoasi Anchelotti nomzodiga qiziqish bildirayotgani haqida xabar berilgandi.
63 yoshli mutaxassis Madridga 2021 yilning iyun oyida qaytgan. Uning qo‘l ostida "qaymoqranglilar" o‘tgan mavsumda Chempionlar ligasi g‘olibiga aylanishdi.
