"Real"ning chap qanot himoyachisi Ferlan Mendi jamoada uzoqroq qolishni istaydi. Marca nashri xabariga ko‘ra, fransiyalik futbolchi 2025 yilning yozida tugaydigan shartnomasini uzaytirmoqchi.
Biroq "Real Madrid" rahbariyati futbolchining xohishiga qo‘shilmayapti. "Qirollik klubi" fransiyalik futbolchini ushbu transfer oynasida sotish haqida jiddiy o‘ylamoqda. Rahbariyat uning o‘yinlaridan, qolaversa, tez-tez jarohat olishidan qoniqmayapti.
Avvalroq Ferlanning xizmatlariga "PSJ" qiziqish bildirayotgan edi. Joriy mavsumda Mendi La Liganing 18 ta uchrashuvida 1 ta golli uzatmani amalga oshirdi.
