"Реал"нинг чап қанот ҳимоячиси Ферлан Менди жамоада узоқроқ қолишни истайди. Marca нашри хабарига кўра, франциялик футболчи 2025 йилнинг ёзида тугайдиган шартномасини узайтирмоқчи.
Бироқ "Реал Мадрид" раҳбарияти футболчининг хоҳишига қўшилмаяпти. "Қироллик клуби" франциялик футболчини ушбу трансфер ойнасида сотиш ҳақида жиддий ўйламоқда. Раҳбарият унинг ўйинларидан, қолаверса, тез-тез жароҳат олишидан қониқмаяпти.
Аввалроқ Ферланнинг хизматларига "ПСЖ" қизиқиш билдираётган эди. Жорий мавсумда Менди Ла Лиганинг 18 та учрашувида 1 та голли узатмани амалга оширди.
