Mourinyoning "Roma"si Yevropa ligasi finalida ushbu turnirning "egasi" bo‘lmish "Sevilya" bilan to‘qnash keladi. Rimliklar ustozi hozirga qadar o‘zi chiqqan finallarning hammasida zafar quchgan. Ammo bugun Mour va uning shogirdlariga oson bo‘lmaydi. Negaki, raqib YEL bo‘yicha mutaxassis – "Sevilya".
Quyida Joze Mourinyoning yevrokuboklar finallaridagi ajoyib natijasi haqida bilib olasiz.
1. "Portu"3–2 "Seltik" (2003)
Mourinyoning Yevropa sahniga muvaffaqiyati finallardagi natijasi bilan belgilanadi. 2003 yilda u boshqargan "Portu" UYEFA kubogi finaliga chiqadi. Deko urgan gollar portugaliyaliklarning "Seltik" ustidan g‘alabasini ta’minlab turadi. Ammo shotlandlar ham bo‘sh kelmaydi. Qo‘shimcha daqiqalarda Mourinyo jamoasi g‘alaba golini kiritadi.
2. "Monako" 0-3 "Portu" (2004)
2004 yilgi YECHL finalida hech qanday intriga yo‘q edi. Negaki, Mourinyo jamoasi Didye Deshamning "Monako"sini ko‘rdim demaydi. O‘shanda "Portu" nimchorak finalda "MYU" ustidan g‘alaba qozonadi. Keyingi bosqichlar esa jamoa uchun "Lion" va "Deportivo"ga qarshi o‘tdi. Bu esa Mourinyoga muammo emasdi. Finalda fransuz jamoasi "Portu"ga o‘lja bo‘ldi.
3. "Bavariya" 0-2 "Inter" (2010)
"Inter"ning 2010 yildagi qo‘lga kiritgan trebli o‘ta muhim edi. Negaki, o‘sha paytlarda "Barselona"ning "tiki-takasi" gullab-yashnayotgandi. Mourinyo jamoasi esa to‘p nazoratini sevuvchi jamoalarning "ajali"ga aylanadi. Yarim-finalda "Barselona"ni himoyaviy uslub bilan yakson etish – gapimizning yaqqol isboti edi. 2009 va 2010 yilda YECHLni yutgan jamoani yengish qiyin ish bo‘lgan. Shu asnoda "Inter" katta ishtiyoq bilan skudetto va Italiya kubogini ham o‘ziniki qiladi.
4. "Ayaks" 0-2 "Manchester Yunayted" (2017)
Garchand Gvardiolaning La-ligadagi dominantligi tugagan bo‘lsa ham, Mourinyo "Real"da ortiq muvaffaqiyatga erisha olmadi. Uning yevrokuboklardagi navbatdagi zafari, "MYU" bilan 2017 yilda yuz beradi. O‘zining klubdagi ilk mavsumini ikkita, liga kubogi va YEL tituli bilan boshlagan Mourinyoning "qizil iblislar" safidagi sarguzashti uzoqqa cho‘zilmagandi. Ammo u 2017 yilda YEL finalida "MYU"ning "Ayaks" ustidan osonlik bilan g‘alaba qozonishida muhim rol o‘ynagan.
5. "Feyenoord" 0-1 "Roma" (2022)
Mourinyoning Manchesterdagi muvaffaqiyatsizligi va "Tottenxem"dan ketishi, odamlarda savol tug‘dira boshlaydi. U 2021 yilda "Roma"ga kelguniga qadar ommada allaqachon xulosalar shakllanib bo‘lgandi: Mourinyoning davri o‘tib bo‘lgan. Balki shundaydir. Balki u boshqargan jamoalar YECHL yoki APLni yuta olmas. Ammo kerak vaqtda yaxshi futbolchilar bilan Mourinyo katta o‘yinlarni hal qila oladi. Buni "Roma" misolida ko‘rish mumkin. Portugaliyalik mutaxassis "Roma"ga 2008 yildan beri ilk titulni taqdim etdi. Bu sovrin esa YEKLning ilk kubogi edi.
Joze Mourinyoning yevrokuboklar finalidagi natijalari:
G‘alabalar: 5 ta
Mag‘lubiyatlar: 0 ta
Duranglar: 0 ta
Gollar: 11 ta
O‘tkazilgan gollar: 2 ta
Gollar farqi: +9.
ISMATOV J.
