La Liga rahbari Xavyer Tebas Yevropa ligasi finalida “Sevilya”ning “Roma” ustidan qozongan g‘alabasi (1:1, 4:1 – penaltilar seriyasi) haqida fikr bildirdi.
«Sevilya»ning g‘alabasi La Liganing hozir qanchalik kuchli ekanini ko‘rsatadi. "Sevilya" hozir eng yaxshi formada emas, lekin bu holatida ham jamoa Yevropaning nufuz jihatidan ikkinchi darajali turnirida g‘olib chiqdi.
Bizning chempionatimiz haqiqatan ham juda yuqori raqobatga egadir», — deya Tebasning so‘zlaridan iqtibos keltiradi Marca.
37-turdan so‘ng “Sevilya” 49 ochko bilan La Liga turnir jadvalida 11-o‘rinda bormoqda. So‘nggi turda andalusiyaliklar mehmonda “Real Sosyedad” bilan o‘ynaydi.
