Norvegiyada 10 nafar grossmeyster ishtirokidagi nufuzli «Norway Chess» turnirida kecha 3-tur bahslari o‘tkazildi.

Unda Nodirbek Abdusattorov fransiyalik Alirizo Firujaga qarshi oq donalarda o‘ynadi. O‘yinning 30-yurishigacha taxtada teng vaziyat saqlanib turdi. Ammo 31-yurishdan boshlab hamyurtimiz xatolarga yo‘l qo‘ya boshladi. Buning oqibatida Nodirbek 37-yurishda Farzinidan ayrildi. Bahsning qolgan qismida Abdusattarov qanchalik harakat qilmasin, mag‘lubiyatdan qutulib qola olmadi.

Vatandoshimiz ushbu mag‘labiyat tufayli 6-o‘ringa tushib ketgan bo‘lsa, Alirizo Firuja 6 ochko bilan 2-pog‘onaga chiqib oldi. Fabiano Karuano esa 7,5 ochko bilan peshqadam bo‘lib turibdi.

Bugun shaxmatchilar uchun dam olish kuni hisoblanadi. Nodirbek Abdusattorov ertaga Domaradju Gukeshga qarshi oq donalarda o‘ynaydi.