O‘zbekiston Kubogi 3-turi doirasida «Qo‘qon-1912» jamoasini mag‘lub etilganidan keyin «Surxon» bosh murabbiyi Sergey Arslanov o‘z fikrlarini bildirib o‘tdi.

"O‘yin haqidagi eng asosiy gapim - bugun qilgan barcha ishlarimiz o‘xshadi. O‘yinning o‘zi kurashlarga boy o‘tdi, jamoalar yaxshi tashkillashtirilgan o‘yin o‘ynashdi. Bugun mashg‘ulotlardagi ishlanmalarni amalda, o‘yinda ko‘rsata oldik. Birinchi bo‘lim haqida gapirish qiyin, chunki juda issiq bo‘lganligi sababli ikki jamoa ham futbol namoyish qilishi qiyin bo‘ldi. Ikkinchi bo‘limda havo biroz salqin bo‘lganidan keyin harakatlar ham ko‘paydi. Zaxiradan tushganlar esa o‘yinni kuchaytira olishdi, o‘yinga temp qo‘shishdi. O‘z navbatida natija ham shunga yarasha bo‘ldi

Ilk navbatda shuni aytish kerak, biz pley-offga chiqishga loyiq edik. Umuman olganda, bizning guruhdan chiqishimiz nafaqat o‘zimizga, balki, guruhdagi boshqa raqiblarning ham natijalariga bog‘liq edi. Endi biz uchun raqibning ahamiyati yo‘q. Pley-offda kuchli raqiblar bo‘ladi. Kim bilan o‘ynasak ham, qiyin o‘yin o‘tkazamiz", — dedi Arslonov.