"Leypsig" ketma-ket ikkinchi yil Germaniya kubogini qo‘lga kiritdi.
Murabbiy Marko Rouz shogirdlari finalda Frankfurtning “Ayntraxt” jamoasini mag‘lub etishdi (2:0).
Shu tariqa, 2009 yilda tashkil etilgan Saksoniya klubi o‘z tarixidagi ikkinchi sovrinni qo‘lga kiritdi.
O‘tgan mavsumda "Leypsig" finalda "Frayburg"ni mag‘lub etgandi (1:1, penaltilar seriyasida 4:2). Joriy final jamoa uchun so‘nggi besh yildagi 4-final bo‘ldi.
Bundesligada "Leypsig" ikki marta ikkinchi o‘rinni egalladi. Chempionlar ligasida va Yevropa ligasida yarim finalga chiqdi.
