"PSJ"ni tark etgan hujumchi Lionel Messi faoliyatini Angliya Premyer-ligasida davom ettirishi mumkin. Bu haqda Goal.com portali sahifalarida xabar berildi.
Manbaga ma’lum bo‘lishicha, 35 yoshli erkin agentga Londonning "Chelsi" klubi qiziqish bildirmoqda. “Aristokratlar” argentinalik uchun boshqa da’vogarlar bilan kurashishga tayyor. Messiga “Barselona”, Saudiya Arabistonining "Al-Hilol" va Amerikaning “Inter Mayami” klublari ham qiziqish bildirmoqda.
Lionel so‘nggi ikki mavsumni Parij grandida o‘tkazdi. Liga 1ning so‘nggi mavsumida hujumchi 32 ta o‘yin o‘tkazib, 16 ta gol urdi va 16 ta golli uzatmani amalga oshirdi.