"ПСЖ"ни тарк этган ҳужумчи Лионель Месси фаолиятини Англия Премьер-лигасида давом эттириши мумкин. Бу ҳақда Goal.com портали саҳифаларида хабар берилди.
Манбага маълум бўлишича, 35 ёшли эркин агентга Лондоннинг "Челси" клуби қизиқиш билдирмоқда. “Аристократлар” аргентиналик учун бошқа даъвогарлар билан курашишга тайёр. Мессига “Барселона”, Саудия Арабистонининг "Ал-Ҳилол" ва Американинг “Интер Майами” клублари ҳам қизиқиш билдирмоқда.
Лионель сўнгги икки мавсумни Париж грандида ўтказди. Лига 1нинг сўнгги мавсумида ҳужумчи 32 та ўйин ўтказиб, 16 та гол урди ва 16 та голли узатмани амалга оширди.