Fransiyalik hujumchi Karim Benzema "Real"ni tark etadi. Avvalroq, "qaymoqranglilar" bu haqda klub saytida rasman ma’lum qilgan edi. La Liga matbuot xizmati bunday xabarni e’tiborsiz qoldira olmadi va ijtimoiy tarmoqdagi o‘z sahifasida xabar e’lon qildi.

“U umidli yigit sifatida keldi va afsonaga aylangan holda ketyapti", - deb yozdi Ispaniya chempionati matbuot xizmati.

Benzema "Real"da 14 yilni o‘tkazdi. Bu vaqt ichida u barcha turnirlarni hisobga olgan holda 647 ta uchrashuvda qatnashib, 353 ta gol urdi va 165 ta golli uzatmani amalga oshirdi.