Madridning “Real” klubi Karim Benzemani klub tarixidagi eng buyuk afsonalardan biri deb atadi.

Ispaniya klubi fransiyalik hujumchining mavsum yakunida jamoani tark etishi yuzasidan bayonot berdi.

"Real Madrid" va sardorimiz Karim Benzema klubimiz futbolchisi sifatidagi yorqin va unutilmas davrini yakunlashga kelishib oldi. Bizning eng buyuk afsonalarimizdan biri bo‘lgan odamga o‘z minnatdorchiligimizni bildiramiz.

Benzema klubimizga 2009 yilda bor-yo‘g‘i 21 yoshida kelib qo‘shilgan edi. U tariximizning oltin yillarida asosiy o‘yinchi bo‘ldi.

U bizning nishonimiz va libosimizni himoya qilgan o‘n to‘rt mavsumda 25 ta chempionlikni qo‘lga kiritdi, bu "Real Madrid" uchun rekord ko‘rsatkich.

Benzemaning "Real Madrid"dagi faoliyati klubimiz qadriyatlarini ifodalovchi xatti-harakatlar va professionallik namunasi edi. Karim Benzema o‘z kelajagini hal qilish huquqini qo‘lga kiritdi.

Madridliklar va butun dunyo muxlislari uning sehrli va betakror futbolidan bahramand bo‘lishdi. Bu uni klubimizning eng buyuk afsonalaridan biriga va jahon futbolidagi eng buyuk afsonalardan biriga aylantirdi.

"Real Madrid" har doim uning uyi bo‘lgan va shunday bo‘lib qoladi. Biz unga va butun oilasiga hayotining yangi bosqichida eng yaxshi tilaklarimizni tilab qolamiz”, - deyiladi Madrid klubi bayonotida.