“Monako” klubi rasmiy sayti xabariga ko‘ra, Filipp Kleman “Monako” bosh murabbiyi lavozimidan ozod etildi.
Iste’fo monakoliklarning Fransiya chempionatida oltinchi o‘rinni egallab, keyingi mavsumda yevrokuboklarda qatnashish huquqini qo‘lga kirita olmaganidan so‘ng yuz berdi.
49 yoshli mutaxassis o‘tgan yilning yanvar oyida jamoa boshqaruviga kelgan va jamoani milliy chempionatda bronza medallari sari yetaklay olgandi. Uning shartnomasi 2024 yilning 30 iyuniga qadar amal qiladi.
U avvalroq “Bryugge” va boshqa Belgiya klublarini boshqargan.
