“Монако” клуби расмий сайти хабарига кўра, Филипп Клеман “Монако” бош мураббийи лавозимидан озод этилди.

Истеъфо монаколикларнинг Франция чемпионатида олтинчи ўринни эгаллаб, кейинги мавсумда еврокубокларда қатнашиш ҳуқуқини қўлга кирита олмаганидан сўнг юз берди.

49 ёшли мутахассис ўтган йилнинг январь ойида жамоа  бошқарувига келган ва жамоани миллий чемпионатда бронза медаллари сари етаклай олганди. Унинг шартномаси 2024 йилнинг 30 июнига қадар амал қилади.

У аввалроқ “Брюгге” ва бошқа Бельгия клубларини бошқарган.