"Manchester Siti" hujumchi Erlin Xoland bilan yangi shartnoma imzolamoqchi.
The Telegraph xabariga ko‘ra, "shaharliklar" 22 yoshli futbolchiga boshqa klublar, xususan, "Real"ning qiziqishini pasaytirish uchun unga uzoqroq shartnoma taklif qilmoqchi. "Siti" potensial trebl norvegiyalikni ishontirishga yordam beradi deb umid qilmoqda.
"Manchester Siti" Chempionlar Ligasi finalida "Inter"ni mag‘lub etsa, joriy mavsum treblga erishish imkoniyatiga ega. Jamoa allaqachon Premyer-liga va Angliya kubogini qo‘lga kiritgan.