Footy Headlines nashri “Chelsi”ning kelasi mavsum uchun uy libosi suratlarini chop etdi. "Aristokratlar"ning formasidagi asosiy qism oltinrang ramzga ega bo‘lib, ko‘k va oq ranglar orqali ishlov berilgan.
Futbolka yoqasida “London faxri” degan yozuv bor. Klubning texnik hamkori Nike hisoblanadi. Formalar keyingi oyda sotuvga chiqariladi.
"Chelsi" Angliya Premyer-ligasida o‘tgan mavsumda omadsizlikka uchradi. London klubi bor-yo‘g‘i 12-o‘rinni egalladi.
Chempionlar ligasida “aristokratlar” chorak finalga qadar yetib borishdi va u yerda umumiy hisobda “Real”ga yutqazishdi.
