Footy Headlines нашри “Челси”нинг келаси мавсум учун уй либоси суратларини чоп этди. "Аристократлар"нинг формасидаги асосий қисм олтинранг рамзга эга бўлиб, кўк ва оқ ранглар орқали ишлов берилган.
Футболка ёқасида “Лондон фахри” деган ёзув бор. Клубнинг техник ҳамкори Nike ҳисобланади. Формалар кейинги ойда сотувга чиқарилади.
"Челси" Англия Премьер-лигасида ўтган мавсумда омадсизликка учради. Лондон клуби бор-йўғи 12-ўринни эгаллади.
Чемпионлар лигасида “аристократлар” чорак финалга қадар етиб боришди ва у ерда умумий ҳисобда “Реал”га ютқазишди.
