"Bavariya"da to‘p tepayotgan germaniyalik yarim himoyachi Leon Goreska Germaniya chempionatini Angliya premyer-ligasiga o‘zgartirishi mumkin.
Insayder Florian Plettenbergning ijtimoiy tarmoqlarda yozishicha, “Manchester Yunayted” yarim himoyachining transferiga qiziqish bildirmoqda.
Myunxenliklar Angliya terma jamoasi va «Vest Xem» yarim himoyachisi Deklan Raysning transferini yakunlasa, Goreska «Bavariya»ni tark etishi mumkin.
Goreska o‘tgan mavsumda Bundesligada 27 ta o‘yinda maydonga tushib, 3 ta gol va 2 ta golli uzatmaga mualliflik qilgan.
Uning "Bavariya" bilan shartnomasi 2026 yilning o‘rtalariga qadar amal qiladi.