"Бавария"да тўп тепаётган германиялик ярим ҳимоячи Леон Горецка Германия чемпионатини Англия премьер-лигасига ўзгартириши мумкин.
Инсайдер Флориан Плеттенбергнинг ижтимоий тармоқларда ёзишича, “Манчестер Юнайтед” ярим ҳимоячининг трансферига қизиқиш билдирмоқда.
Мюнхенликлар Англия терма жамоаси ва «Вест Хэм» ярим ҳимоячиси Деклан Райснинг трансферини якунласа, Горецка «Бавария»ни тарк этиши мумкин.
Горецка ўтган мавсумда Бундеслигада 27 та ўйинда майдонга тушиб, 3 та гол ва 2 та голли узатмага муаллифлик қилган.
Унинг "Бавария" билан шартномаси 2026 йилнинг ўрталарига қадар амал қилади.
